Hríseyingurinn fljúgandi...

Helgin afstaðin og ný vika tekin við.

Mon, 28 Jan 2008 10:11:06 GMT

Mánudagur til mæðu sagði einhver og ef hann/hún hefur ekki bara haft rétt fyrir sér. Mikið djöfull er erfitt að koma sér af stað á mánudögum, bara ekki gerlegt nema vegna þess að maður veit að hann endar jafn fljótt og hann byrjaði.

Helgin var fín, mamma, pabbi og Nörfus komu í stutta borgarferð að hitta litlu börnin sín ;) Alltaf gott að fá þau í heimsókn og ekki skemmdi fyrir að fá ný fög í gluggana. Var orðið heldur kalt í íbúðinni þegar það blés vel úr austri. Svo held ég að við höfum líka komist í veg fyrir lyktina í vaskaskápnum eða vona það allavega. Annars var helgin bara tekin í ró, gott að slappa aðeins af og ná áttum á öllu.

Svo er bara að halda áfram.... kv. Haukur

Nýtt ár með nýjum áherslum...

Tue, 22 Jan 2008 11:06:33 GMT

Jæja, ég held að ég sé nú búinn að slá nýtt met í bloggleti hérna. Ég vil bara biðja alla þá sem að ennþá nenna að kíkja hingað inn afsökunar og lofa að ég mun bæta mig í blogginu framvegis.

Af okkur í Hrafnhólunum er allt gott að frétta, erum búinn að koma okkur vel fyrir og líður bara alveg ótrúlega vel. Settum loks upp gardínur í stofu og eldhús þegar við sáum hversu tómlegt þetta var þegar jólaljósin voru tekin niður! Fyndið hversu blindur maður getur orðið á suma hluti. Geysir litli dafnar vel og er orðin algjör grallari, tók smá tíma fyrir hann að aðlagast aftur eftir norðurferðina um jól og áramót en er búinn að taka gleði sína á ný. Er búinn að redda okkur í gegnum undanfarnar vikur, gott að hafa einn svona til að kæta mann. Svo er bara að koma í heimsókn svona þeir/þau sem ekki hafa verið nógu dugleg við það. Þ.e. ef að maður verður bara ekki fluttu úr Reykjavík, veit ekki hvort maður vill búa í svona sveitarfélagi, hvað er málið með þessa pólitíkusa? Ekki eðlilegt að vera kominn með enn nýja borgarstjórn!!! Kannski bara að maður fari í Kópavoginn..."það er gott að búa í Kópavogi" sagt með góðri undirhöku og dimmum tón ;)

Jólin og áramótin voru alveg ágæt, við fórum norður og áttum góðar stundir í Lambhaga utanvið nokkra frekar erfiða daga. Allt er þetta samt að komast í betra horf og horfum við björtum augum á framtíðina. Vonum bara að það gangi betur næst. Við systkynin settum upp smá myndasíðu frá okkur öllum og hér er linkurinn á hana. Gaman að hafa svona sameiginlega síðu þar sem við vorum öll fyrir norðan.

Vinnan og skólinn ganga sinn vanagang, hef ekki flogið mikið undanfarið enda hvorki veður né nógu langir daga til þess. En það stendur nú bara til bóta og stefni ég á að vera kominn í tímana mína næsta haust. Unni gengur vel í skólanum og er svaka dugleg, skil ekki hvernig ein manneskja getur verið svona sterk og dugleg, vinna og svo í svona erfiðum skóla.

En það er best að halda aðeins áfram að vinna, þangað til næst... kv. BHN

Vinna, skóli, flug og hundalíf

Mon, 29 Oct 2007 20:37:50 GMT

Jæja það virðist ekki ætla að ganga of vel að halda þessu bloggi uppfærðu hjá mér. En samt heldur maður áfram að reyna ;)

Af okkur er allt gott að frétta, Unnur er á fullu í skólanum og vinnur svo líka eins og brjálæðingur, er mætt í fatlaða aksturinn klukkan hálf 7 á morgana og fer svo í skólan um hálf 9, er þar til 15 og fer þá og vinnur til 17! Ef mín á ekki eftir að vera þreytt á þessu í vor þá skal ég hundur heita. En hún kallar nú ekki allt ömmu sína og á eftir að standa sig vel í þessu öllu.

Ég er enn hjá Atlanta og uni mínum hag þar alveg ágætlega. Alltaf eitthvað nýtt og spennandi að gerast, nýjasta dæmið er flugið okkar til Kína með forsetan Hr. Ólaf Grís... þar vildu Kínverjar og Rússar ekki alveg gera það sem við þurftum að fá þá til að gera, reyndar ekkert nýtt þar á bæ! En það gekk nú að lokum og Grísinn komst heim :lol: Svo er ég að reyna að kenna eitthvað með vinnunni, gengur nú ekkert allt of vel, veðrið vill ekki alveg að haga sér skikkanlega, og svo er ég nú reyndar bara ekki búinn að vera nógu duglegur sjálfur!!! en þetta kemur allt með kalda vatninu. Endurnýjaði reyndar tveggja hreyfla og blindflugsréttindin mín um helgina, búinn að fresta því síðan í maí og mjög gott að vera loksins búinn að klára það af.

Geysir er allur að koma til og orðinn algjör grallari, ekkert heilagt fyrir honum þessa dagana ;) Skór, sokkar, bréf og kókflöskur fá að fljúga um alla íbúð... en hann má eiga það kallinn að hann skemmir ekkert og það þarf ekkert að hafa áhyggjur af því að hann merki hér og þar í íbúðinni.

Svo er það bara Minneapolis í lok Nóv .... :D

kv..... Björgvin H.

Skamm skamm...

Fri, 12 Oct 2007 09:48:48 GMT

Veit ekki hvort ég þori að skrifa nokkuð hérna lengur, liðnir um tveir mánuðir frá síðasta bloggi og ansi margt búið að gerast!

Ég er alltaf að velta því fyrir mér hvort að ég eigi nokkuð að vera að skrifa hérna inn. En svo hugsa ég... af hverju ekki! Þó svo að ég skrifi ekki reglulega þá skrifa ég allavega sex sinnum á ári ;)

Það sem hefur gerst þessa tvo mánuði er í stuttu tja eða löngu máli:

Ferð til Tyrklands, algjör sæla og við ætlum pottþétt að fara þangað aftur. Fórum í tyrkneskt bað með öllu tilheyrandi, skrúbb, froðunudd, og svo klukkutíma alnudd. Siglingu um Gökova flóa í 40° hita, jetski í 48° hita. Leigðum okkur hraðbát í 3 klukkutíma, geggjað og ég mæli pottþétt með því að gera það. Fórum í ógleymanlega ferð til Pamukalle (bómullarhöllina) sem tók heilan dag og þar af um 10 tíma í rútu! Fórum í sundlaugargarð þar sem ég fékk gat á hausinn! Borðuðum góðan mat og síðast en ekki síst þá trúlofuðum við Unnur okkur :) Frábær ferð í alla staði!
Síðan var komið heim aftur úr 40° hita í aðeins 5° og minns varð náttúrulega veikur. Unnur byrjaði í skólanum og ég að vinna, ágætt að fara í rútínuna aftur eftir um 6 vikna frí. ...Hvaða bull er þetta... auðvitað hefði ég viljað vera lengur í fríi ;)
Litli frændi var skírður Hannes Haukur og ég fékk að halda á honum við skírnina. Við Unnur fengum svo þann heiður að vera guðforeldrar hans, frábært það.
Fengum okkur lítinn hund, sumir segja rottu, en þeir vita bara ekki hversu frábært er að hafa einn svona lítinn hnoðra hlaupandi um! Hann heitir Geysir og er um 6 mánaða.
Amma varð áttræð og við skelltum okkur norður til að vera með henni á þessum merku tímamótum, til hamingju aftur amma. Kella var náttúrulega hressari en nokkru sinni fyrr og lék á alls oddi. Vildi að ég gæti sagt það um alla og taki þeir það bara til sín sem eiga það...þetta er náttúruelga að verða ansi þreytt og verst hvað þetta er að gera fjölskyldum okkar!!!! :S8| Að láta svona hluti hafa svona mikil áhrif... :whut:
Héldum innflutningspartý og var gaman að fá alla í heimsókn... takk kærlega fyrir allar gjafirnar, þær eru búnar að koma vel að notum.
Fórum svo aftur norður síðustu helgi til að gera við Kitfoxinn góða, María og Hannes Haukur komu með og urðu svo eftir í Hrísey hjá "gamla" settinu í viku. Alltaf gott að koma norður og við ætlum að gera okkur ferð í Nóv til að setja upp jólaljósin með pabba og Narfa, fyrir hana mömmu :)
Já svo er það eitt enn, erum að fara í Minneapolis mánaðarmótin nóv-des. með foreldrum Unnar. Það verður fínt, alltaf gaman að gera eitthvað nýtt.

En já ætla að halda áfram að vinna, eða allavega að byrja á því...

þangað til næst... kv. Bj.Haukur

Marmaris, Tyrklandi.

Thu, 16 Aug 2007 23:27:53 GMT

Bara að vera leiðinlegur og láta vita að ég er að fara til Marmaris á morgun og verð þar næstu tvær vikurnar :P

Sólarkveðja...Haukur sólbrúni

5% af heiminum komin 95% to go!

Fri, 27 Jul 2007 10:10:42 GMT

Jæja long time no writing, ansi margt búið að gerast síðan ég bloggaði síðast. Ágætlega mikið af flugi, kominn í um 340 tíma og bara 160 eftir ;) kemur svona í rólegheitunum enda liggur heldur ekki svo svakalega á. Svo er bara að halda áfram, ætti að ganga aðeins betur þar sem ég verð kominn í frí í vinnunni hjá Atlanta eftir helgi. Búinn að bíða lengi eftir því að komast í frí og nú er loksins komið að því... jibbí.

Hríseyjarhátíðin var haldin síðustu helgi og við Unnó renndum norður í gleðina, mjög gaman að fá að sýna henni þessa skemmtilegu hátíð og takk kærlega fyrir helgina Hríseyingar. Er bara mjög á því að þetta form á hátíðinni sé það sem koma skal, ágætt að hafa þetta ekkert of mikið en samt nóg til að skemmta sér vel. Varð að vísu fyrir dálitlum vonbrigðum með kvöldvökuna á laugardagskvöldið þ.e. skemmtiatriðin á sviðinu. Skil vel að það er ekki hægt að fá þekkta skemmtikrafta sem að kosta mikið þar sem fjármagn er kannski ekki ýkja mikið en maður gerir einhvernveginn alltaf meiri og meiri kröfur ;) En mjög góð hátið og til hamingju með hana.
Svo skemmdi náttúrulega ekki fyrir að ég eignaðist lítinn systurson síðasta föstudagskvöld, loksins kom hann litli anginn, já segi loksins því hann var búinn að láta bíða eftir sér í rúmar tvær vikur 8| en nú er hann kominn og öllum líður vel. Innilega til hamingju með þetta Pústa mín og já Óli líka ;). Frábært að fá lítinn flug-kappa í fjölskylduna.

Svo er það bara að halda áfram að fljúga í fríinu svona þegar ég verð ekki á ströndinn á Marmaris í Tyrklandi, já við Unnó ætlum að skella okkur út 17. ágúst og vera í tvær vikur, liggja og slappa af ;P

Setti svo kort af heiminum hérna til að sýna ykkur hvert ég hef komið... nóg eftir að ferðast enn ;)

create your own visited country map or check our Venice travel guide

En annars bara þangað til næst. kv.. Haukurflug

Helgin

Mon, 09 Jul 2007 10:02:27 GMT

Hvað er að gerast, tvö blogg á stuttum tíma ;)

Fín helgi að baki, reyndar ekki flogið neitt voðalega mikið en aðeins þó og safnast þetta smá saman. Veðrið er aðeins búið að stríða okkur flugmönnum á litlu sjónflugsvélunum, eða öllu heldur skýjahæðin, ekki hægt að kvarta svo sem undan veðrinu.

Föstudagurinn fór náttúrulega í vinnu eins og við má búast, vá hvað ég get ekki beðið eftir næstu mánaðarmótum....frí..., svo var verslað aðeins og farið á Stylinn með mömmu, Maríu og Óla. Kvöldið var svo bara rólegt eins og vant er, horft á Die Hard 2, erum að rifja upp svo við getum farið á 4 í bíó... Hippie kajei mother fucker ;)

Svo var Laugardagurinn tekinn í búðarölt og mannlífs tjekk. Fengum okkur loksins náttborð sem koma ábyggilega vel út við nýja rúmið. Slóum svo í svaka grillveislum um kvöldið... ef veislu má kalla..við Unnur, mamma, María og Óli ;) Grilluðum grísakjöt sem var bara alveg ágætt og gaman að fá fólk í mat svona annaðslagið. Við Unnur skelltum okkur svo á Evan Almighty sem er by the way mjög fyndin, ég bókstaflega grenjaði úr hlátri...

Gærdagurinn (Sunnudagur :lol:) fór svo í flug, kaffiboð, bíltúr, út að borða, ís og byrjun á Die Hard 3. Nóg að gera og má því segja að þetta hafi bara verði hin fínasta helgi... Kaffið var heima þar sem að ég sýndi snilli mína í eldhúsinu og gerði þessa fínu vöflur... home made ;) jú svo bakaði Unnur líka köku sem var ágæt :) nei segi svo hún var rosalega góð og held bara að hún sé enn meiri snillingur í eldhúsinu en ég.

Sit núna bara í vinnunni og reyni að gera eitthvað af viti, lítið að gera og get ekki sagt annað en að ég sé kominn með svolitla leiðu á þessu. Svo er bara verið að bíða og bíða eftir að litla frænka láti sjá sig... vona bara að hún María mín þurfi ekki að ganga mikið lengur með hana. Hversu mikið er hægt að leggja á eina manneskju...?

en þangað til næst..kv. Haukur blogggg-glaði

Sumar

Fri, 06 Jul 2007 09:23:54 GMT

Veit ekki hvort að ég eigi að þora að slrifa hérna inn þar sem að ég hef ekki haft mig í að blogga í einn og hálfan mánuð :S 8|

Annars er allt gott að frétta bara, okkur Unni líður mjög vel í Hrafnhólunum og má segja að þessir rúmu tveir mánuðir sem að við erum búin að búa þar hafi liðið hratt og vel. Íbúðin er frábær og nágrannarni ágætir...svona þeir sem að maður veit um! Auðvitað eru alltaf einhverjir sauðir inn á milli sem að eru með læti og vaka fram á nótt en við hverju er svo sem að búast í svona fjölbýli. Höfum ekki enn lent í neinu miklu, jú reyndar vaknað upp í ein tvö skipti við einhver smá læti...en finnst það nú alveg ásættanlegt á tveim mánuðum.

Sumarið hefur liðið skrattanum hraðar og manni finnst enganveginn vera kominn júli. En svona er þetta og má segja að tíminn líði hratt þegar mikið er að gera. Við erum nú ekki búinn að gera mikið í sumar annað en að vinna og vera í RVK. Erum þó búin að fara tvisvar norður, á sjómannadag og svo á flugdag á AK.
Seinni helgina stoppuðum við í Skagafirðinum og gistum í bændagistingu sem var dálítið skrautleg ;) samt bara gaman að gera eitthvað öðruvísi, ekki alltaf bara að bruna norður og svo aftur suður. Fórum svo á flugdaginn sem var alveg ágætur, hefði reyndar mátt vera aðeins minni norðanátt! Svo var stoppað aðeins í Hrísey á laugardagskv. og gist þar. Sunnudagurinn var svo tekinn í ró ef ró skildi kalla... fórum í sveitina hjá Birra, Jólalandið og svo var ekki annað hægt en að fá sér ís í Vín áður en haldið var aftur suður. S.s fínasta helgi bara ;)

Flugið gengur ágætlega, er búinn að kenna slatta af tímum en betur má ef duga skal og vonandi verður restin af sumrinu aðeins betri. Stefnan er tekin á að vera kominn allavega hundrað tímum nær markinu í haust 8|

Svo er það Tyrkland í ágúst, getum ekki beðið... verðru ljúft að liggja á ströndinni og sóla sig ;)

þangað til næst.. kv. Björgvin

Flug eða ekki flug

Thu, 24 May 2007 17:28:10 GMT

Bara að láta vita að allt gengur vel hjá okkur hérna í Hrafnhólunum, við erum búin að koma okkur ágætlega fyrir bara og líkar mjög vel við okkur hérna. Auðvitað vantar alltaf eitthvað og maður sér að hér væri hægt að gera þetta og þarna hitt, en Róm var ekki byggð á einum degi og það verða hólarnir ekki heldur ;)

Af fluginu er það að frétta að ég er aðeins byrjarður að kenna, kominn með um 10 tíma. Já aðeins 10 komnir vegna leiðinlegrar verðráttu undanfarið. Ef það er ekki vindur eins og í augnablikinu þá er það rigning eða jafnvel bara él :S En þetta kemur allt og þýðir ekkert annað en að vera bjartsýnn. En ætla að fara að æfa mig í blindflugi þar sem að ég þarf að endurnýja réttindin mín í næstu viku og er því miður ekkert búinn að fljúga blindflug síðan síðasta sumar. Gangi mér vel....

þangað til næst...Haukur

Once a month syndrome

Fri, 11 May 2007 15:46:40 GMT

Jæja er maður að detta í þetta svokallaða einusinni í mánuði syndrom? Síðasta blog gert 13. apríl og í dag er kominn 11. maí, váááá hvað tíminn líður hratt! Skil reyndar ekki að fólk nenni enn að koma inn á síðuna mína því það fær engar fréttir af mér, en samt alltaf gaman að sjá þegar það eru einhverjir búnir að skoða og sérstaklega þegar það eru komment. Og já talandi um komment, þá jú auðvitað eru allir hjartanlega velkomnir í heimsókn og Kolla endilega að fara að láta sjá sig, kíkið bara við næst þegar þið heimsækið mömmu þína ;).

Af mér er allt fínt að frétt, mjög mikið búið að vera að gera undanfarið þá meina ég mikið. Mættu alveg vera svona 30 tímar í sólahringnum svo maður myndi ná að sofa aðeins meira, en ætli maður verði ekki bara að gera það þegar maður er dauður ;) Málið er nefnilega það að við Unnur erum búin að vera að brasa í því að koma okkur fyrir í nýju íbúðinni okkar, hefði aldrei haldið að það gæti verið svona mikið mál að standa í þessu öllu! En núna þegar upp er staðið þá er ég mjög feginn og glaður. Frábært að vera kominn loksins í sína íbúð, getur gert það sem maður vill á þess að þurfa að huxa um það hvort að eigendurnir verði nú ánægðir með það.

Ofan á þetta allt þá fékk ég vinnu hjá Flugskóla Íslands við að kenna og get því núna með sanni kallað mig flugkennara. Er nú reyndar bara búinn að kenna nokkra tíma en þetta er allt að komast á skrið. Dagskráin þessa dagana er því ansi þétt setin og nóg að gera. Vinna frá 8-16, kenna frá 16-20... stundum lengur og svo að reyna að kenna allar helgar. Þetta er þess virði og ég kem ekki til með að sjá eftir þessu þegar upp er staðið. En talandi um vinnuna þá er best að fara að klára daginn hérna í Atlanta... þangað til næst...

Kv. Haukurflug_kennari

Ps. Kjósum svo rétt á morgun, viljum enga komma í stjórn...

Klakinn...stendur fyrir sínu!

Fri, 13 Apr 2007 22:28:45 GMT

Já kom heim á sunnudaginn var, frekar mikil viðbrygði að koma úr 38 gráðunum í 3 gráður! Ágætis stopp að koma við í Amsterdam í 15 stiga hita og rólegheit ;) Við Unnur skoðuðum margt og skemmtum okkur vel þar og vorum svo alls ekki að vilja fara heim, bætum úr því í sumar í Tyrklandi :P.

Vikan hefur annars liðið frekar hratt, eins og vanalega, vinna og að jafna sig á ferðalaginu! Ætlunin er svo að taka því rólega um helgina og að skoða aðeins dót í íbúðina. Já alveg rétt, ég og Unnur erum búinn að kaupa íbúð í Breiðholtinu, í gettóinu ;) fáum afhent 30. apríl. Erum rétta að átta okkur á því að við séum að fá íbúðina eftir 2 vikur, við erum orðin fullorðin 8| En nóg að huxa um og mikið að skoða, sófa og stofuhúsgögn.... ísskáp... o.fl.

En nóg um það í bili, þangað til næst.... Haukur...

p.s. myndir frá Amsterdam hér til hliðar undir Amsterdam 2007, ætla svo að reyna að setja inn fleiri myndir úr route tjékknum fljótlega

Abu Dhabi - Amsterdam

Fri, 06 Apr 2007 21:06:47 GMT

Jæja þá fer sælunni brátt að ljúka, er kominn til Amsterdam eftir um tólf tíma á ferðalagi. Það byrjaði um kl hálf fjögur á mjög svo taugatrekkjandi tveggja tíma leigubíla akstri frá Aub Dhabi, the national capital of the United Arab Emerates ;), til Dubai. Já þegar ég segi taugatrekkjandi þá á ég við taugatrekkjandi, að sitja afturí einhverjum taxa á 160-170 þar sem hálf sofandi arabai situr undir stýri er ekki eitthvað sem að mig langar að prófa aftur. Ég var spurður afhverju ég hefði tekið taxa? Afþví að þer er ekki hægt að komast þarna á milli á annan hátt, ekkert flug, engar lestar bara bílar! Svo þegar við komum til Dubai þá kom í ljós að vinurinn vissi ekkert hvar hótelið var og fór með mig á vitlaust hótel. Fundum loks það en þá vildi vinurinn rukka mig aukalega fyrir að hafa sagt honum vitlaust hótel, ég þrætti aðeins en þegar hann hótaði öllu illu þá ákvað ég að borga honum, ekki eins og það hafi verið mjög mikið þ.e. 23 Dhirams sem er um 400kr J. Af hótelinu var haldið út á flugvöll og í loftið um tveim tímum síðar, flugið var svo um 7 tímar með frönskum kafteini, írönskum flugmanni og suður afrískum flugvélvirkja.

Þetta er annars bara búið að vera ákaflega ljúft, ekkert of heitt né of mikil sól, svona u.þ.b. 37-38° þegar heitast var í Abu Dhabi, reyndar um 40° + í Bombai, og rólegur vindur. Á þrjiðjudaginn heimsótti ég vini mína hjá Etihad og svo var það bara ströndin og aðeins skoðað í verslanir. Miðvikudagurinn fór svo í flug fram og til baka til Bombai á Indlandi með um 2 tíma stoppi þar, get því sagt núna að ég hafi komið til Indlands, labbaði allavega um á malbikinu á flugvellinum! Um kvöldið var svo farið út að éta og drekka aðeins, já aðeins því að þetta voru bara nokkrir ;). Gærdagurinn var svo tekinn með trompi í mollunum og að horfa á Red Bull airRacing undankeppnina en hún er haldin í Abu Dhabi um helgina. Geggjað að sjá þá fljúga um brautina, ótrúlegt alveg... færir kappa þar á fer. Náði fullt af góðum myndum og videoum sem ég myndi glaður sýna ykkur ef að ég, já sauðurinn ég, hefði ekki týnt myndavélinni minni í gær!!! Hef sennilega skilið hana eftir í leigubílnum á leiðnni heim á hótel, og þar sem að þetta eru bara svokallaðir street taxies þá er engin leið að hringja og athuga, maður verðu bara að vona að bílstjórinn sé heiðarlegur og skili henni. Á nú reyndar ekki mikla von á því, held frekar að einhver arabinn sé bara hæst ánægður með nýja myndavél! Hvað er þetta með okkur í fjölskyldunni að týna myndavélum? Önnur myndavélin sem að ég týni í útlöndum, pabbi týndi nýrri vél á leiðinni til Danmerkur fyrir mörgum árum og svo týndi María sinni í sumar á Kanarí!!!

En já best að fara að hætta þessu, við Unnur ætlum að fara að skoða Amsterdam í dag og njóta þess að vera hér saman.

Kv. Haukurflug í 35000 fetum...

p.s. skrifað um borð í TF-ATZ Boeing 747-200 flugvél Air Atlanta í 350000 fetum yfir Tyrklandi, á leiðinni frá Dubai til Amsterdam.

Abu Dhabi

Tue, 03 Apr 2007 20:23:40 GMT

Sæl,

Bara að láta vita að ég er í góðum fíling með aröbunum enn, dagurinn í dag var tekinn rólega. Skrifstofur Etihad heimsóttar og svo bara legið á ströndinni í leti. Aðeins kíkt í Marina moll sem er álíka stórt og Abu Dhabi mollið. Litli ´Hríseyingurinn verður bara hálf viltur á svona stöðum ;)

Á morgun er það svo AUH-Bombai-AUH.

Kv. Haukur arabi

ps. setti inn myndir endilega að skoða

Frankfurt Abu Dhabi

Mon, 02 Apr 2007 20:10:14 GMT

Jæja ætli maður verði ekki að blogga aðeins og láta vita að maður sé heill á húfi hérna með aröbunum. Lenti s.s í Frankfurt í gær eftir alveg hrikalega ferð með Icelandair, hef nú lent í ýmsu með Iceair en aldrei svona vondu sæti, illa lyktandi manneskju við hliðina á mér og ískulda. Fékk sæti við neiðarútgang sem á ekki að vera svo slæmt nema að það var við frostmark alla leiðina, svo kom þess stinky illa lyktandi þjóðverji og skellti sér við hliðina á mér. Sætið var svo svo hart og bakið vont og ekki hægt að halla því... Icelandair droppaði um mörg stig þarna.

En hvað um það þá fór ég bara beit upp á hótel í FRA og reyndi að leggja mig, gekk nú ekki betur en svo að ég held að ég hafi náð einum tveim tímum sem var ekki alveg nógu gott þar sem ég átti um 6 tíma flug fyrir höndum niður til Abu Dhabi. En það hafðist þó og flugði var alveg ótrúlega skemmtilegt. Íslenskur flugstjóri og spænskur flugmaður, fékk að sitja í hægra sætinu í um 2 tíma og sjá um radíóið og að leika mér í tækjunum, ekki leiðinlegt og lærði alveg helling á þessu. Við lenntum svo hérna í Abu Dhabi í morgun um 6 að Íslenskum tíma og var þá farið beint á hótelið og lagt sig. Veðrið búið að vera ágætt hérna, heitt en samt vindur og smá rigning af og til. Gerði ekki mikið hérna í dag, labbaði aðeins um og fór svo í Abu Dhabi moll sem er alveg risa...keypti nú ekkert en skoðað og sá svona aðeins hvað hægt væri að versla. Morgundagurinn verður svo tekinn í að túristast og að heimsækja Etihad national airline of the United Arab Emerates ;) . Fer svo til Bombei á miðvikudaginn bara fram og til baka og svo verður fimmtudagur inn tekinn í verslum og túrist..

En ætla að fara að halla mér hérna áður en að ég lek alveg niður.

Þangað til næst... Haukur airbus...

P.s. tímamunurinn er 4 tímar, þ.e. fjórir á undan.

Útlönd, fis o.fl.

Thu, 15 Mar 2007 08:52:37 GMT

Jæja kominn tími á þetta, skil ekki að nokkur nenni að skoða þessa síðu lengur þar sem að undirritaður hefur ekki skrifað hérna inn í þónokkuð langan tíma og er ekki þekktur fyrir að vera mjög duglegur penni! En þó hef ég lúmskan grun um að það séu einhverjir sem að kíkja hér inn daglega og eins og alltaf þá er batnandi mönnum best að lifa :|

En það sem er hest að frétta er það að ég fer út til Dubai og Abu Dhabi 1.apríl, nei ekki apríl gabb ;). Ætlunin er svo að fara frá Abu Dhabi með einum af Airbus vélunum okkar einhvern stuttan rúnt, fram og til baka til annaðhvort Indlands eða Súdan. Gæti tekið flug til Bombay (Mumbai) og baka, Madras (Chennai) svo til Bangalor og til baka eða til Khartoum í Súdan og til baka. Ætla svo að koma mér upp til Amsterdam 6. apríl þar sem Unnur ætlar að koma til mín og við ætlum að vera helgi þar. Mjög spennandi rúnntur og nú er bara að vona að allt gangi eftir. Svo er það bara Tyrkland í ágúst...liggja á ströndinni og sötra bjór ;) jú og náttúrulega að túristast aðeins.

Ekki kominn með vinnu sem flugkennari ennþá, veit ekki alveg hvað er í gangi hjá flugskólanum! En maður verður bara að vera duglegur að minna á sig og láta þá ekki í friði. Einn kominn með vinnu á undan mér sem að mér fannst ég eiga að vera á undan inn en svona er þetta, maður ræður þessu víst ekki. Vona bara að hann hafi fengið vinnuna út á það að ætla að gera þetta að fullu starfi en ég bara að hluta. Þannig að nú er bara að bíða og vona!

Fisið fór norður í nótt, já vona að það hafi komist á leiðarenda. Þvílíkt og annað eins bras, hef bara aldrei lennt í öðru eins. Við s.s. komum því á endanum upp á kerruna í gær eftir langa bið. En það gekk ekki þrautalaust, þegar flutninga maðurinn kom þá hristi hann bara hausinn og sagði að þetta færi ekki fet, en við deyjum náttúrulega ekki ráðalausir þannig að það var hringt á kranabíl og allt draslið híft upp á kerruna. Svolítið fyndið svona eftir á að sjá allt þetta fyrirtæki í götunni út á nesi, en mér var ekki mikill hlátur í huga þegar ég var að brasa í þessu þarna í myrkri og skíta kulda. En þetta er allavega farið héðan og nú er bara að bíða og vona...

Annars er bara allt gott og ætla ég að fara að gera eitthvað af viti hérna í vinnunni ;)

Þangað til næst...kv. Haukurfl.